Manzil: Asker Ocagi Cad. No :1, Taksim

InterContinental Istanbul mehmonxonasi Istanbul markazida joylashgan bo‘lib, do‘konlar va ko‘ngilochar maskanlar bilan to‘la mashhur Nisantoshi tumanigacha piyoda borish atigi 15 daqiqa. Mehmonxonadan Taksim maydonigacha bir necha daqiqalik piyoda yo‘l, Cevahir savdo markazi esa 3 km uzoqlikda joylashgan va metro orqali osongina yetib borish mumkin. Mehmonxona xonalari konditsionerlar bilan jihozlangan va ko‘pchiligidan Boshfor va Taksim maydoniga qarash imkoniyati mavjud. Xalqaro Gastronomiya Akademiyasi tomonidan mukofotlangan Safran restoranida Usmonli taomlari va an’anaviy turk oshxonalari fasil jonli turk musiqasi ostida takdim etiladi. Restoran terrasidan Boshforning panoramali manzarasi ochiladi. Bog‘da joylashgan Veranda launj-restoranda esa xalqaro taomlar xizmat qiladi. Amandine konditeriyasida mehmonlar qo‘lda tayyorlangan shokolad konfetlarini sotib olishlari mumkin. City Lights bar-restoranida esa vino, turli taomlar, gazaklar va individual kokteyllar taklif etiladi. Mehmonxonada to‘liq ta’mirlangan, zamonaviy uskunalar va professional xodimlarga ega spa markazi mavjud. Mehmonlar uchun fitnes markazi, ochiq basseyn, ayollar va erkaklar uchun alohida hammom va turk bani, shuningdek, yuz va tana uchun massaj va parvarish dasturlari taklif etiladi. Mehmonxona Amerikan shifoxonasidan 1.8 km, Ajibadem Taksim kasalxonasidan 1 km uzoqlikda joylashgan. Nisantoshi tumanida shuningdek, taniqli tibbiy va estetik klinikalar faoliyat yuritadi. Mehmonxonadan 250 metr narida Taksim maydoni va moda do‘konlari, badiiy galereyalari va restoranlari bilan mashhur Istiklal ko‘chasi joylashgan. Taksim metro bekati mehmonxonadan 50 metr uzoqlikda, Istanbul aeroportigacha bo‘lgan masofa esa 50 km ni tashkil qiladi.

Rasmiy sayt: http://www.interconti.com.tr/